SECCION 2
Quien el Verdadero Dios?
Uno lang el verdadero Dios, y el de suyo nombre amo si Jehova. (Psalm 83:18) Ele un Espiritu o no puede con ele mira. Ele ta ama canaton y quiere le ama kita con ele. Quiere tambien le ama kita con el otro maga gente. (Mateo 22:35-40) Ele el Todo Poderoso, el Creador del todo las cosas.
El primer creacion del Dios amo un poderoso espiritu persona, que ya conoce kita na uliji como si Jesucristo. Ya crea tambien si Jehova con el maga angel.
Si Jehova ya crea todo las cosas na cielo . . . y na mundo. Revelacion 4:11
El Dios Jehova ya crea con el maga estrella y tambien con el mundo y el todo cosas na mundo.—Revelacion 10:6.
Ele ya crea con Adan, el primer gente, estaba na polvos del tierra.—1 Corinto 15:47.
Baka Gusta Tambien Tu
ESSENTIAL BIBLE TEACHINGS
Tiene ba Nombre el Dios?
Manada titulo el Dios igual como Todopoderoso, Creador y Señor. Pero ya usa con el personal nombre del Dios maga 7,000 beses na Biblia.
