Usa lamang ang matuod nga Diyos, ug ang iyang ngalan maoy Jehova. (Salmo 83:18) Siya maoy Espiritu; dili nato siya makita. Siya nahigugma kanato ug gusto niya nga ato siyang higugmaon. Gusto usab niya nga atong higugmaon ang uban. (Mateo 22:35-40) Siya ang Labing Gamhanan, ang Maglalalang sa tanang butang.

Ang unang gilalang sa Diyos maoy usa ka gamhanan nga espiritung persona nga sa ulahi nailhang si Jesu-Kristo. Gilalang usab ni Jehova ang mga anghel.

 Gilalang ni Jehova nga Diyos ang mga bituon, ang yuta, ug ang tanang butang diha niini.​—Genesis 1:1.

Iyang giporma si Adan, ang unang tawo, gikan sa abog sa yuta.​—Genesis 2:7.