ṬHEN 2
A Hmaanmi Pathian cu Ahodah a Si?
A hmaanmi Pathian cu pakhat lawng a um i a min cu Jehovah a si. (Jeremiah 33:2, Baibal Cathiang) Thlarau pum a ngeimi a si caah mit in hmuh khawh a si lo. A kan dawt i ka daw ve hna seh ti a duh. Pakhat le pakhat i daw hna seh ti zong a duh. (Matthai 22:35-40) Jehovah cu zeizong vialte Sertu, Cungnung Bik a si.
Pathian nih hmasa bik ah a sermi cu a ṭhawng i thlarau pum a ngeimi a si. A hnuah Jesuh Khrih tiah hngalh a si. Cun vancungmi zong a ser hna.
Jehovah nih vancung le. . .vawleicung ah a ummi thil vialte kha a ser hna. Biathlam 4:11
Jehovah Pathian nih arfi, vawlei le a cung i a ummi thil vialte kha a ser hna.—Genesis 1:1.
Hmasa bik mipa, Adam kha leidip in a ser.—Genesis 2:7.
Mah Kong Hna Zong Hi Na Duh Khawh Men
ESSENTIAL BIBLE TEACHINGS
Pathian Cu Min A Ngei Maw?
Pathian nih Lianngan Bik, Sertu le Bawipa ti bantuk upatnak min a phunphun a ngei. Asinain Baibal chungah Pathian min 7,000 hrawng hman a si.
