YOTAANTSI 2
¿Jaanika Tasorentsi?
Timatsi apinti Tasorentsi iriperori, tekatsi pashini, ipajita Yioba. (Salmos 83:18). Te ontimeji ibatsa, kaari konijatatsi, irinti kempe tampea, tekatsi materine atiri iriñeri iriori; iro kantaincha aitake itimi. Inintasanotee Tasorentsi, ikoiri pinintasanoteri iriori, aisati pinintasanojeiteri atiripee (Mateo 22:35-40). Ibetsikakero Tasorentsi maaroni, tekatsi anaakoterine.
Intanakaro itimakaakeri Tasorentsi itomisanori, ipajita Jesoshi. Impoiji, yobetsikakeri Tasorentsi pashini inampirepee.
Yobetsikakero Yioba maaroni timayetatsiri anta inkiteki... aisati maaroni timayetatsiri aka kipatsiki (Irantayeteri Jesoquirishito 4:11).
Yobetsikakeri Yioba impokiropee, aisati maaroni timayetatsiri aka kipatsika (Génesis 1:1).
Yobetsikakeri jibataintsiri shirampari, ipajita Aran, iro yaakeri kipatsibane yobetsikantakariri iriori (Génesis 2:7).
Onimotempirika oka
OBAMETAANTSI KAMEETSAYETATSIRI BIBIRIAKI
¿Jaoka ipajitari Tasorentsi?
Irinti Tasorentsi: Abinkatsarite, Shintsitasanotatsiri aisati Betsikirori maaroni. Iro kantaincha shiakaantsikika oinijayempine anta Bibiriaki okonijatake ibajirosanori Tasorentsi okaratake 7.000.
