ƆFÃ 2
Woana Nye Nokwar Nyankopɔn No?
Nokwar Nyankopɔn kor pɛr na ɔwɔ hɔ. Ne dzin dze Jehovah. (Ndwom 83:18) Ɔyɛ Sunsum. Yerunntum mmfa hɛn enyiwa nnhu no. Ɔdɔ hɛn, na ɔpɛ dɛ hɛn so yɛdɔ no bi. Ɔpɛ dɛ yɛdɔ afofor so. (Matthew 22:35-40) Ɔno na ɔbɔɔ biribiara na ɔyɛ Adze Nyina do Tumfo.
Nyankopɔn dzii kan bɔɔ ɔbɔfo tumfo bi. Ekyir yi, wɔbɛfrɛɛ no Jesus Christ. Afei, Jehovah bɔɔ abɔfo a wɔaka no so.
Jehovah na ɔbɔɔ biribiara a ɔwɔ sor . . . nye asaase do. Nyikyerɛ 4:11
Jehovah Nyankopɔn bɔɔ ewia, bosoom nye nworaba. Ɔsan so bɔɔ asaase nye no mu ndzɛmba nyinara.—Genesis 1:1.
Ɔdze asaase do huntuma bɔɔ nyimpa a odzi kan. Nna wɔfrɛ no Adam.—Genesis 2:7.
Bi A W'enyi Bɛgye Iyi So Ho
ESSENTIAL BIBLE TEACHINGS
Aso Nyankopɔn Wɔ Dzin?
Nyankopɔn wɔ abɔdzin pii, na ibi nye Otumfo, Ɔbɔadze anaa Bɔfo, Onyame, nye Ewuradze. Naaso, Nyankopɔn ne dzin ankasa no pue wɔ Bible no mu bɛyɛ mpɛn 7,000.
ll ɔfã 2 nkr. 6-7
