EKIRAJAAYA 2
¿Piʼraajüin chi Maleiwakai?
Waneeshia neʼe chi Maleiwa shiimainkai, Je’waa nünülia (Salmo 83:18). Nnojoishi süpüla weʼrüin nia. Aishii maʼin waya nüpüla, keeʼireesü naaʼin alin nia wapüla otta alin wapüla wayuu (Mateo 22:35-40). Nia neʼe Miyoʼuka nümüiwaʼa süka nukumalain tü kasakat süpüshuaʼa.
Palajana, nukumajüin wanee aapiee pülashi maʼin. Nia Jesukürisüto. Nüchikijee, nukumajaka waneeinnua aapiee.
Nukumala Je’waa süpüshuaʼa tü kasa chakat sirumatuʼu... otta süpüshuaʼa tü kasa yaakat saaʼu tü Mmakat (Alateetkat Mapeena 4:11)
Nukumala Je’waa tü sirumatuʼukat, tü Mmakat otta süpüshuaʼa tü kasa eekat saaʼu (Génesis 1:1).
Nukumajüin Adán, chi palajaikai wayuu süka sümamüla mma (Génesis 2:7).
Eesüjaʼa kamalainjeerüle pümüin aashajeʼeraa tüü
ENSEÑANZAS IMPORTANTES DE LA BIBLIA
¿Kasaichi nünülia Maleiwa?
Eeshi chi Senyotkai, chi Pülashikai otta chi Kakumalakai tü kasakalüirua nümünüle Maleiwa. Ashajünüsü nünülia Maleiwa suluʼu tü Wiwüliakat maʼaka sietemiittua.
