ZASEŊƆ 2
Ani N De Yelemɛŋɛrɛ Naayinɛ La?
Naayinɛ dela ayina ma’a, a yu’urɛ n de Yehowa. (Yooma 83:18 NW) A dela Vo’osum; to kan ta’an nyɛ en. A nɔŋɛ to mɛ ge bɔta ti to me nɔŋɛ en. A me boti to nɔŋɛ taaba. (Matu 22:35-40) Eŋa n naam sɛla woo ge dɛna Gaŋɛ Za’a Daana.
Yezu Krista dela vo’osom nɛrekatɛ ti Naayinɛ maalɛ yia. Yehowa yuun le maalɛ malakadoma mɛ.
Yehowa n naam sɛla woo n boi saazuo . . . la teŋgɔŋɔ wa. Liligere 4:11
Yehowa n naam ŋmarebɛa la teŋgɔŋɔ wa la sɛla woo n boi bim.—Pin’ileŋɔ 1:1.
A dekɛ la tontɔnɔ naam Adam, yia buraa la.—Pin’ileŋɔ 2:7.
Ho Me Ta'an Bɔta Yele Ana
ESSENTIAL BIBLE TEACHINGS
Naayinɛ Tari Yu’urɛ?
Naayinɛ tara na’asegɔ yu’ura zo’e zo’e mɛ wuu Gaŋɛ Za’a Daana, Naaŋɔ Daana la Daana. Ge Naayinɛ yumɛŋɛrɛ la ti ba dekɛ tum tuuma sugumnɔɔrɛ 7,000 Baabule la poan.
