Yuútsi mɨyuri xeikɨ́a pɨxewí metá pɨtitewá Jehová (Salmo 83:18). Mɨɨkɨ kayuheekɨɨa, metá ʼayumieme kayɨɨwe temixeiya. Waɨkawa tatsinaakeʼeerie metá pinaake taame teminaakeʼeeríeka. Tsieeretá pinaake tewanaakeʼeeríeka meyunaime teuteri (Mateo 22:35-40). Mɨɨkɨ nai tiutiweéwikɨ, ʼayumieme xewitɨ heimana ʼakaweétɨ kaʼinɨʼá.

Matɨari paitɨ xeime yuniwé petaawewi mɨyuawitsíe. ʼIkɨ niwéya pɨtitewa Ketsuútsi. Yuútsi tsieere warutiwewi hiipame niuki tuayamete.

 Jehová putaawewi mɨyuawi metá Kwie tsieere naitɨ mɨtixuawe heetsiena (Revelación [Apocalipsis] 10:6).

Adán meri ʼukí patɨa, metá Yuútsi piitawewi tɨmɨ́anarikɨ (1 Corintios 15:47).