PELAJAR 2
Sapa Petara ti Bendar?
Semina bisi seiku Petara ti bendar. (Masmur 83:18) Nama Iya Jehovah tauka Yehuwa. (Bacha Jaku Penerang Bup Kudus enggau Penerang Leka Jaku, “Tuhan.”) Petara diau ba serega, kitai enda ulih meda Iya. Petara rinduka kitai lalu deka ke kitai rinduka Iya. Iya mega deka kitai rinduka orang bukai. (Matthew 22:35-40) Iya Petara ti pengabis tinggi, ti ngaga semua utai.
Utai keterubah digaga Petara iya nya melikat ti bekuasa. Iya dikumbai Jesus Kristus lebuh ba dunya. Jehovah mega ngaga mayuh melikat bukai.
Jehovah ngaga semua utai ba serega . . . enggau ba dunya. Pemandang 4:11
Jehovah ngaga bintang, dunya sereta semua utai ba dunya.—Pemungkal 1:1
Petara ngaga mensia keterubah, Adam, ari amau tanah.—Pemungkal 2:7.
Nuan Engka Rindu Meda Tu
ESSENTIAL BIBLE TEACHINGS
Kati Petara Bisi Nama?
Petara bisi mayuh gelar, nyengkaum Pemadu Tinggi, Penempa, enggau Tuan. Tang, nama Petara Empu bisi dikena kira-kira 7,000 kali ba Bup Kudus.
