PASET 2
Asino ti Pudno a Dios?
Maymaysa laeng ti pudno a Dios, ket Jehova ti naganna. (Salmo 83:18) Isu ket Espiritu; ditay makita. Ay-ayatennatayo ken kayatna nga ayatentayo met isuna. Kayatna pay nga ayatentayo ti sabali a tattao. (Mateo 22:35-40) Isu ti Kangatuan, ti Namarsua iti amin a banag.
Ti immuna a pinarsua ti Dios ket maysa a mannakabalin nga espiritu a persona, a pagaammo idi agangay a ni Jesu-Kristo. Pinarsua met ni Jehova dagiti anghel.
Pinarsua ni Jehova ti amin nga adda idiay langit . . . ken ditoy daga. Apocalipsis 4:11
Pinarsua ni Jehova a Dios dagiti bituen kasta met ti daga ken ti amin a linaonna.—Genesis 1:1.
Inaramidna ni Adan, ti kaunaan a tao, manipud iti tapok ti daga.—Genesis 2:7.
Baka Kayatmo Met ti
NAGPAPATEG A PANNURSURO TI BIBLIA
Adda Kadi Nagan ti Dios?
Adu ti titulo ti Dios, kas iti Mannakabalin-amin, Namarsua, ken Apo. Ngem agarup 7,000 a daras a nausar ti personal a nagan ti Dios iti Biblia.
TI BIBLIA—ANIA TI MENSAHENA?
Ti Namarsua Pinagnaedna ti Tao iti Paraiso
Kasano ti panangiladawan ti Biblia iti pannakaparsua ti tao? Ania ti imbilin ti Dios iti umuna a pagassawaan?
