HƆƆLƲƲ 2
Akɛ Ɛsɔ toovenim tʋ?
Ɛsɔ toovenim tʋ kʋɖʋm ɖeke wɛna, ɛ-hɩɖɛ lɛ Yahve yaa Yehowa. (Egipiti Lɩʋ 3:15) Ɛkɛ Fezuu; ɖɩɩpɩzɩɣ nɛ ɖɩna-ɩ. Ɛsɔɔlɩ-ɖʋ nɛ ɛñɩnɩɣ se ɖɩsɔɔlɩ-ɩ ɖɔɖɔ. Ɛñɩnɩɣ ɖɔɖɔ se ɖɩsɔɔlɩ ɛyaa lɛlaa. (Maatiyee 22:35-40) Ɛnʋ kɛnɩ Ðoŋ Tɩŋa Tʋ nɛ wondu kpeekpe Lɩzɩyʋ.
Weyi Ɛsɔ calɩ lɩzʋʋ yɔ ɛkɛ fezuu nɛ ɛwɛɛ ɖoŋ ɖɔɖɔ; ɛnʋ pɔkɔm payaa se Yesu Krɩstʋ. Yehowa lɩzɩ ɖɔɖɔ Ɛsɔ tiyiyaa.
Yehowa lɩzɩnɩ mbʋ payɩ pɩwɛ ɛsɔdaa . . . nɛ tɛtʋ yɔɔ yɔ. Natʋ 4:11
Yehowa Ɛsɔ lɩzɩnɩ tɩɩnzɩ, tɛtʋ nɛ mbʋ payɩ pɩwɛ tɩ-yɔɔ yɔ.—Kiɖe Tɛɛ Tɔm 1:1.
Ɛkpaɣ cʋʋ na nɛ ɛmanɩ kajalaɣ abalʋ weyi payaɣ se Aɖam yɔ.—Kiɖe Tɛɛ Tɔm 2:7.
Kalɩ ɖɔɖɔ....
ESSENTIAL BIBLE TEACHINGS
Ɛsɔ wɛnɩ hɩɖɛ na?
Ɛsɔ wɛnɩ hɩla kɩsɛsɛna sakɩyɛ, a-taa naayɛ lɛ Ðoŋ tɩŋa tʋ, Lɩzɩyʋ nɛ Kɩbaɣlʋ. Video kʋnɛ kɩñɩkɩɣ niye Ɛsɔ hɩɖɛ maɣmaɣ nɖɩ palabɩnɩ tʋmɩyɛ Bibl taa nɛ pɩcɛzɩ tam 7000 yɔɔ yɔ, ɖɩ-yɔɔ.
