VẼNH KANHRÃN 2
Ũn tỹ ne nỹ Topẽ pẽ ti?
Topẽ pẽ vỹ pir nĩ, ti jyjy vỹ tỹ Jeová nĩ. Topẽ vĩ rá ẽg mỹ ke tĩ: “Ã tỹ tỹ Topẽ nĩ tag, ẽg Senhor [“Jeová”, TNM]. Ã hã ne ã pin kỹ tỹ vẽnh kar kri ke nĩꞌ, ã hã ne tỹ vẽnh kar pãꞌi nĩꞌ, ga tag kri”. (Salmo 83:18) Ti vỹ tỹ kuprĩg nĩ, ẽg pi ti vég tĩ. Ti vỹ ẽg to há nĩ, kỹ ti vỹ ẽg tỹ ti to há sór mũ. Ti tỹ ẽg tỹ ũn ag to há sór mũ gé. (Mateus 22:35-40) Ti vỹ tỹ vẽnh kar kri ke nĩ, kar nén ũ kar hynhan fã.
Topẽ tỹ nén ũ han vén ja vỹ tỹ vẽnh kuprĩg há tar tãvĩ nĩ. Ũn ag vỹ ti ki kanhró nĩ, Jesus Cristo ke tĩ. Jeová tóg vẽnh kuprĩg há ũ ag hynhan mũ gé, anjo ag.
Jeová vỹ kanhkã tá nén ũ kar hynhan . . . kar ga kri. Nén venh ke (Apocalipse) 4:11
Topẽ tỹ Jeová vỹ krĩg ag hynhan, kar ga, kar nén ũ kar tỹ ga kri nỹtĩ. — Gênesis 1:1.
Ti tỹ ũn han vén ja, kãgrór tỹ, Adão ke tĩ. — Gênesis 2:7.
