Bynta 2
U Blei u Bashisha u Dei U Ei?
Don tang uwei U Blei u bashisha, bad ka kyrteng jong u ka long U Jehobah. (Salm 83:18) U long u mynsiem; ngim lah ban ïohi ïa u. U ieit ïa ngi bad u kwah ba ngi ruh ngin ieit ïa u. U kwah ruh ba ngin ieit ïa kiwei. (Mathaios 22:35-40) U long u Bahakhlieh tam eh, u Nongthaw jong kiei kiei baroh.
U jingthaw banyngkong eh jong U Blei u long u mynsiem ba donbor ïa uba la tip hadien kum u Jisu Khrist. U Jehobah u la thaw ruh ïa ki angel.
U Jehobah u la thaw kiei kiei baroh ha bneng . . . Jingpynpaw 4:11
bad ha khyndew.U Blei Jehobah u la thaw ïa ki khlur kumjuh ruh ïa ka pyrthei bad ïa kiei kiei baroh kiba don ha ka.—Jenesis 1:1.
U la thaw ïa u briew banyngkong na ka dewmet, bad ka kyrteng jong u ka long, U Adam.—Jenesis 2:7.