LUFUNJISHO 2
Lesa wa Kine ye Ñanyi?
Kujitu Lesa wa kine umo, kabiji jizhina janji Yehoba. (Salamo 83:18) Aye ye mupashi; kechi twakonsha kumumona ne. Witutemwa bingi kabiji ukeba ne atweba kumutemwa. Ukeba ne kuba’mba tutemwenga bakwetu. (Mateo 22:35-40) Aye ye Mwine Wakila, kabiji ye Mulenga wa bintu byonse.
Kilengwa kitanshi Lesa kyo alengele wajinga muntu wa bumupashi, waishile kutelwa’mba Yesu Kilishitu. Kabiji Yehoba walengele ne bamalaika.
Yehoba ye walengele bintu byonse biji mwiulu . . . ne biji pano pa ntanda. Lumwekesho 4:11
Yehoba Lesa ye walengele tubangabanga, ntanda ne bintu byonse bijimo.—Ntendekelo 1:1.
Kabiji walengele ne muntu mutanshi, Adama kufuma ku maloba.—Ntendekelo 2:7.
Mwakonsha Kutemwa
ESSENTIAL BIBLE TEACHINGS
Nanchi Lesa Uji na Jizhina Nyi?
Lesa utelwa’mba wa Bulume Bonse, Mulenga, ne Nkambo. Bino jizhina ja Lesa bejingijisha mu Baibolo kukila pa bimye 7,000.
