KITINI 2
Nzambi ya tsyeleka kele nani?
Nzambi ya tsyeleka kele kaka mosi, mpe nkumbu ya yandi kele Yehova. (Nkunga 83:18, NW) Yandi kele Mpeve mpe yandi ke vwandaka na zulu; beto lenda tala yandi ve. Yandi zola beto mpe yandi zola ke beto zola yandi. Yandi zola mpe beto zola bapangi. (Matayi 22:35-40) Yandi kele na ngolo ya kulutila, ni yandi muntu me yidika bima nyonso.
Yehova bandaka ntete na kuyidika mbazi mosi ya ngolo mingi; na manima babokilaka yandi Yesu Klisto. Yehova yidikaka diaka bambazi ya nkaka.
Yehova muntu meyidika bima nyonso yina kele na zulu . . . mpe na ntoto. Luzabusu 4:11
Yehova yidikaka bambwetete, ntoto mpe na bima nyonso yina kele na zulu ya ntoto.—Kubanda 1:1.
Yandi yidikaka Adami, muntu ya ntete, na fundu-fundu ya ntoto.—Kubanda 2:7.
Beno tala mpe...
ESSENTIAL BIBLE TEACHINGS
Nzambi ke na nkumbu?
Nzambi ke na batitre mingi, mutindu Muntu ya kulutila ngolo, mvangi, mpe mfumu. Kasi nkumbu ya Nzambi ke na bisika 7000 na kati ya Biblia.
