Awˬ lawn 2
Awˬ tehˬ ve Gʼuiˬ sha a shu le?
Awˬ tehˬ ve Gʼuiˬ sha teˇ gʼaˇ tiˉ cawˬ ve yoˬ. Yawˇ ve awˬ meh Yaˬhoˉvaˬ meh ve yoˬ. (Chiˇ mvuh ve 83:18, MGS) Yawˇ lehˬ Awˬ ha hpehꞈ ve yoˬ. Ngaˬ hui yawˇ htaꞈ mawˬ maˇ hpehꞈ. Yawˇ ngaˬ hui htaꞈ haꞈ ve hkʼa shuˍ, ngaˬ hui htaꞈ kaꞈ kʼawꞈ haꞈ hkʼawꞈ tcuh gaˇ ve yoˬ. Ngaˬ hui shu htaꞈ kaꞈ haꞈ tuˬ, yawˇ heuˆ gaˇ ve yoˬ. (Maꞈhtehˍ 22:35-40) Yawˇ Uiˍ jaˇ mvuh jaˇ ve Awˬ shehˍ hpaˇ leh awˬ ceuˬ hkʼa peu˗eˬ htaꞈ Te hpanˍ shehˍ hpaˇ hpehꞈ ve yoˬ.
Gʼuiˬ sha hpanˍ ve awˉ lawˉ teˇ ceuˬ lehˬ kanˇ paˆ uiˍ jaˇ ve awˬ ha teˇ gʼaˇ hpehꞈ ve yoˬ. Awˬ ha oˇ ve teˇ gʼaˇ Yeˍsuˆ Hkriꞈ hpehꞈ ve yoˬ. Yaˬhoˉvaˬ lehˬ, mvuhˇ naw ma tcuh yaˇ hui htaꞈ kaꞈ hpanˍ ve yoˬ.
Yaˬhoˉvaˬ mvuhˇ naw ma hkʼoˆ hkʼa cawˬ ve awˬ ceuˬ htaꞈ hpanˍ ve yoˬ. Yaˬhoˉvaˬ miˬ guiˬ hkʼoˆ hkʼa cawˬ ve hkʼa peu˗eˬ htaꞈ te hpanˍ ve yoˬ. Hpeuꞈ maˍ ve 4:11
Meuꞈ keu shiˍ, miˬ guiˬ leh miˬ guiˬ hkʼoˆ hkʼa cawˬ ve hkʼa peu˗eˬ htaꞈ Yaˬhoˉvaˬ Gʼuiˬ sha hpanˍ taˍ ve yoˬ.—Awˬ hkuiˉ puiˍ 1:1.
Gʼuiˬ sha jeꞈ htaꞈ yuˬ leh Aˍdanˍ hawˉ hkʼaˆ awˉ lawˉ teˇ gʼaˇ htaꞈ te hpanˍ ve yoˬ.—Awˬ hkuiˉ puiˍ 2:7.
You May Also Like
ESSENTIAL BIBLE TEACHINGS
Gʼuiˬ sha awˬ meh cawˬ˗aw laˇ?
Gʼuiˬ sha lehˬ kanˇ paˆ uiˍ jaˇ ve, hpanˍ shehˍ hpaˇ, leh uiˍ jaˇ mvuh jaˇ ve hkʼe aˉ yaˇ laiˉ ceuˬ cawˬ ve yoˬ. Yaꞈ hkʼaˇ, Gʼuiˬ sha ve awˬ meh Liꞈ hpu hkʼaw 7,000 pawˆ hpaˆ cawˬ ve yoˬ.
LIꞈ HPU HKʼAW Aˬ HTOꞈ MA AWˬ LAWN CAWˬ VE LE?
Te hpanˍ shehˍ hpaˇ chaw yaˇ htaꞈ Paˍraˍdiˇsuˆ hko peꞈ piˇ ve
Liꞈ hpu hkʼaw chaw yaˇ htaꞈ hpanˍ htaˇ ve awˬ lawn kʼoˆ maˍ laˇ ve. Chaw yaˇ awˉ lawˉ teˇ ca htaꞈ Gʼuiˬ sha aˬ htoꞈ ma tawˇ piˇ ve le?
