TSHITUPA 2
Nzambi mulelela nnganyi?
Kudi anu Nzambi umuepele mulelela. Yehowa ke dîna diende. (Musambu 83:18) Katuena mua kumumona to, bualu udi Nyuma. Nzambi mmutunange. Mmusue bua tumunange petu. Mmusue kabidi bua tunange bantu bakuabu. (Matayo 22:35-40) Udi Nzambi wa Bukole Buonso. Yeye ke Mufuki wa bintu bionso.
Tshifukibua tshia kumpala tshivua Nzambi mufuke tshivua muntu wa mubidi utudi katuyi mua kumona to, muntu wa bukole bua bungi. Muntu au ke wakaluabu kubikila ne: Yezu Kristo. Yehowa wakafuka kabidi banjelu.
Yehowa wakafuka bintu bionso bidi mu diulu . . . ne bidi pa buloba. Buakabuluibua 4:11
Yehowa Nzambi wakafuka mitoto, kufuka kabidi buloba ne bionso bidipu.—Genese 1:1.
Wakangata buloba, e kuenza Adama. Adama ke muntu wa kumpala pa buloba apa.—Genese 2:7.
Mona bikuabu:
MALONGESHA A MU BIBLE A NSHINDAMENU
Nzambi utu ne dîna anyi?
Nzambi utu ne mianzu ya bungi bu mudi Wa Bukole Buonso, Mufuki, ne Mukalenge. Kadi dîna dia Nzambi didi disanganyibua mu Bible misangu mipite pa 7 000.
