XNAQʼTZBʼIL 2
¿Alkyexix Dios?
Oʼkx jun Dios axix tok (bʼaʼn ax) at, aju Jehová tbʼi (Isaías 42:8). Atz in nanqʼin toj kyaʼj, tuʼntzunju nya qʼanchaʼl. At tkʼuʼj qiʼj ex taj (tgan) tuʼn tok qkʼujlaʼn. Ax ikx taj tuʼn kyok qkʼujlaʼn txqantl xjal (Mateo 22:35-40). Mas nim Toklen twitz alkyexku juntl ex a Bʼinchel tkyaqil.
Tnejelku, kubʼ tbʼinchaʼn Dios jun anjel nim tipumal (tbʼalor). Tej tbʼet ambʼil ok tbʼi te Jesucristo. Ax ikx e kubʼ tbʼinchaʼn Jehová txqantl anjel.
Kubʼ tbʼinchaʼn Jehová tkyaqilju at toj kyaʼj . . . ex tkyaqilju at twitz Txʼotxʼ (Apocalipsis 4:11)
Kubʼ tbʼinchaʼn Jehová qe cheʼw, Txʼotxʼ ex tkyaqilju at twitz (Génesis 1:1).
Kubʼ tbʼinchen Jehová Adán, aju tnejel xjal, tiʼj tquqil txʼotxʼ (Génesis 2:7).
Bʼalo ax ikx tgana jlu
QE XNAQʼTZBʼIL NIM KYOKLEN TOJ TYOL DIOS
¿Atpe tbʼi Dios?
At nim título in xi qʼamet tiʼj Dios, ik tzeʼn At Tipumal, Bʼinchal tkyaqil ex Qajaw. Noqtzun tuʼnj, in kanet junlo 7,000 maj tbʼi Dios toj Xjan Uʼj.
¿ALKYE TQANIL TKUʼX TOJ TYOL DIOS?
Tzaj toyen Dios jun tbʼanel najbʼil kye xjal
¿Alkye tten e kubʼ bʼinchaʼn qe xjal ex tzeʼn in tzaj tchikbʼaʼn Tyol Dios jlu? ¿Alkye qe kawbʼil xi tqʼoʼn Jehová kye tnejel xjal?
