Tupana sese toig̃ne⁠ꞌ⁠en wentup yn. Het ri Ieuwa e. (Esutu [Êxodo] 6:6) Tupana toig̃ne⁠ꞌ⁠en atipy pe. Mi⁠ꞌ⁠i ti ma⁠ꞌ⁠ãu mi⁠ꞌ⁠i pote ȳt wata⁠ꞌ⁠akasa kuap⁠ꞌ⁠i hewowi. Tupana aiky⁠ꞌ⁠e kahato mi⁠ꞌ⁠i pote toky⁠ꞌ⁠e hap toiky⁠ꞌ⁠esat. I⁠ꞌ⁠ewȳte waku wati⁠ꞌ⁠atuky⁠ꞌ⁠e torānia mīt⁠ꞌ⁠īn. (Mateu [Mateus] 22:35-40) Torānia so⁠ꞌ⁠owynug̃ hat ri Ieuwa mi⁠ꞌ⁠i ti hampȳk kahato i⁠ꞌ⁠ewȳte iwe⁠ꞌ⁠eg̃ kahato torānia kai hesaika rakat.

Kat⁠ꞌ⁠i ite Tupana tunug̃ turān tutunug̃ wentup ma⁠ꞌ⁠ãu atipy pe. Mi⁠ꞌ⁠i set ri Iesui e. I⁠ꞌ⁠ewȳte Ieuwa tunug̃ anjo ko⁠ꞌ⁠i atipy pe wy.

 Tupana Ieuwa tunug̃ waikiru ko⁠ꞌ⁠i āt waty yi hawyi torānia yi totiaria. (Ienesi [Gênesis] 1:1)

Hawyi tutunug̃ wentup ihaig̃nia yi ag̃ku⁠ꞌ⁠i kawiat. Het ri Atãu e. (Ienesi [Gênesis] 2:7)