Nu parte yeje 2
¿Kjo nge kʼꞹ go dyⱥtrʼⱥ nrrexe?
E Jehová ngeje in Mizhokjimizgoji nrrexe kʼo ri bʼꞹbʼꞹji kja ne Xoñijomꞹ ñe kʼo bʼꞹbʼꞹji ajensʼe (Salmo 83:18). Dya soo ra janrraji e Jehová. Angeze me sʼiyazgoji akjanu nee ke ra sʼiyaji angeze, xo nee ke ra sʼiyaji yo ntee (Mateo 22:35-40). E Jehová ngeje in Jmuji ajensʼe, angeze o dyⱥtrʼⱥ nrrexe.
E Jehová otrʼꞹ go dyⱥtrʼⱥ na anxe kʼꞹ ma zezhi. Kʼe anxe ma go e̱je̱ kja ne Xoñijomꞹ o jñuspʼꞹji Jesucristo. E Jehová xo go dyⱥtrʼⱥ nrrexe yo anxe.
E Jehová go dyⱥtrʼⱥ nrrexe kʼo bʼꞹbʼꞹ ajensʼe...xo go dyⱥtrʼⱥ nrrexe kʼo bʼꞹbʼꞹ kja ne Xoñijomꞹ (Apocalipsis 4:11)
E Jehová go dyⱥtrʼⱥ yo seje ñe trʼexe kʼo bʼꞹbʼꞹ kja ne Xoñijomꞹ (Hechos 4:24).
E Jehová o tsjaa e Adán ko jomꞹ, nge kʼe bʼɇzo kʼꞹ otrʼꞹ go mimi kja ne Xoñijomꞹ (Génesis 2:7).
Puede que también le interese
¿PJE MAMA NE BIBLIA?
Mizhokjimi o dya̷trʼa̷ ne Xoñijomu̷ me ma zo̷o̷ ngekʼua ro mimiji yo ntee
¿Pje mama ne Biblia jaba dya̷trʼa̷ Mizhokjimi yo ntee? Mizhokjimi ¿pje o manda ro tsjabi e Adán ñe e Eva?
