Fizarana 2
Iza moa Andriamanitra?
Iray ihany ny tena Andriamanitra. Jehovah no anarany. (Salamo 83:18) Any an-danitra izy ary tsy afaka mahita azy isika. Tia antsika izy ary iriny ho tia azy isika. Tiany ho tia ny olon-kafa koa isika. (Matio 22:35-40) Izy no Avo Indrindra sady Mpamorona ny zavatra rehetra.
Anjely mahery iray no noforonin’Andriamanitra voalohany indrindra. Nantsoina hoe Jesosy Kristy izy io, tatỳ aoriana. Namorona anjely hafa koa i Jehovah.
Namorona ny zavatra rehetra any an-danitra. . .sy etỳ an-tany i Jehovah. Apokalypsy 4:11
Namorona ny kintana sy ny tany ary ny zava-drehetra eto an-tany i Jehovah Andriamanitra.—Genesisy 1:1.
Izy koa no namorona an’i Adama, ilay lehilahy voalohany. Vovoky ny tany no nanaovany azy.—Genesisy 2:7.
Mety ho Tianao Koa
FAMPIANARAN’NY BAIBOLY TENA ILAINA
Manana Anarana ve Andriamanitra?
Antsoina hoe Mahery Indrindra, Mpamorona, ary Tompo Andriamanitra. Hita im-7000 eo ho eo ao amin’ny Baiboly anefa ny tena anarany.
INONA NO VOALAZA AO AMIN’NY BAIBOLY?
Tao Amin’ny Paradisa ny Olona
Inona no lazain’ny Baiboly momba ny famoronana ny olombelona sy ny paradisa? Inona avy ny didy nomen’Andriamanitra ny mpivady voalohany?
