DIVI 2
Ndiani Mwari wo Kadi-kadi?
Kuna Mwari umwe basi wo kadi-kadi, zina rake ndi Jehovha. (Nduyo 83:18; BMAA) Iyena Mujimu; atikwanisi kumuvona. Iyena anotida zve anodavo kuti itusu timude. Iyena anodazve kuti tide vandhu vamweni. (Mateu 22:35-40) Iyena ari Panyezuru po zvese, Marure wo zviro zvese.
Cisikwa co kutanga co zvisikwa zva Mwari caiva mundhu wo kumujimu anosimba, ngo kufamba ko nguva cakazozivikanwa enga Jesu Kristu. Jehovha wakarurazve ngirozi.
Jehovha wakarura zvese zviri mugore . . .no pasi. Apokalipsi (Cakapangijihwa) 4:11
Jehovha Mwari wakarura ndhondho, nyika no zvese zviri mukati mwayo.—Genesi 1:1.
Iyena wakarura Adhamu, mundhu wo kutanga ngo dongo ro pasi.—Genesi 2:7.
Zvimweni Zvamungadakarira nga Izvi:
ESSENTIAL BIBLE TEACHINGS
Mwari Ano Zina Here?
Mwari ano mazina okureremejwa mazinji, anobatanija Wo Masimba Ese, Musiki, zve Tenji. Asi zina ra Mwari kamare rinoshandiswa kanokhwedera kuita 7.000 mu Bhaibheri.
