OSHITOPOLWA 2
Kalunga kashili oye lye?
Oku na owala Kalunga kashili gumwe, edhina lye oJehova. (Eksodus 15:3, OB-1954) Itatu vulu oku mu mona, molwaashoka oku na olutu lwopambepo. Oku tu hole nokwa hala tu kale tu mu hole wo. Okwa hala wo tu kale tu hole aantu ooyakwetu. (Mateus 22:35-40) Ye Omukombandambanda nOmushiti gwiinima ayihe.
Tango Kalunga okwa shiti oshishitwa oshinankondo shopambepo shoka konima sha ka tseyika nedhina Jesus Kristus. Jehova okwa shiti wo aayengeli.
Jehova okwa shiti iinima ayihe yi li megulu . . . nosho wo kombanda yevi. Ehololo 4:11
Jehova Kalunga okwa shiti oonyothi nosho wo evi naashihe shoka shi li ko. — Genesis 1:1.
Oku umbu Adam, omuntu gwotango okuza montsi yevi.— Genesis 2:7.
Opu na ishewe uuyelele mbuka
ESSENTIAL BIBLE TEACHINGS
Mbela Kalunga oku na edhina?
Kalunga oku na omadhinasimeneko ogendji. Gamwe gomugo ogo Omunankondoawike, Omushiti nosho wo Omuwa. Kalunga oku na edhina lye mwene ndyoka lya holoka lwiikando yi vulithe po 7 000 mOmbiimbeli sho ya nyolwa petameko.
OMBIIMBELI OYI NA ETUMWALAKA LINI?
Omushiti okwa li a shitile aantu eviparadisa
Ombiimbeli otayi hokolola ngiini eshito lyaantu? Iipango yini Kalunga a li a pe aaihokani yotango?
