Yä kjäʼni xo̱hkämbeni ndunthi yä nto̱te, pe ho̱nse i ʼbu̱i nʼatho rä Tsi Dada. Ro thuhu ra Jehová (Salmo 83:18). Gege i ʼbu̱i ha nu hitsʼi nsohtho hin da zo go handihu̱. Gege i ndo̱ mähkihu̱ nihi i ne go mädihu̱. Gege i ne go mädihu̱ yä kjäʼni (Mateo 22:35-40). Gege bi yo̱te gotho yä nto̱te, nsohtho hi i ʼbu̱i nindi nʼa mä ndo̱hte ge rä Tsi Dada.

Kʼa meetʼo bi yo̱te rä Tsi Dada ge nʼa anje ge peetsi ndunthi tseedi. Nuya di pädihu̱ ge ra Hesu. Rä Tsi Dada nihi bi yo̱te mäʼra yä anje.

Jehová bi yo̱te nu hitsʼi, rä Ximojoi, nihi gotho yu̱ i ʼbu̱i ha nu joi (Génesis 1:1).

Gege bi yo̱te kʼa meetʼo ño̱ho̱, Adán, ko nu fonthoi (Génesis 2:7).