PART 2
Veah Is da Voah Gott?
Es hott yusht ay voahrah Gott, un sei nohma is Jehova. (2 Mosi [Exodus] 6:3; Psalm 83:18, King James [Authorized] Version) Miah kenna een nett sayna veil eah en Geisht is. Eah hott leevi fa uns un vill havva es miah een aw leeva. Jehova vill aw havva es miah anri leit leeva. (Matthäus 22:35-40) Eah is da Alli-Haychsht, da vann es alles gmacht hott.
Es eahsht ding es Gott gmacht hott voah en mechtichah engel. Shpaydah is sellah engel Jesus Christus kaysa vadda. Jehova hott aw feel anri engel gmacht.
Jehova hott alles gmacht im himmel . . . un uf di eaht. Di Offenbarung (Revelation) 4:11
Jehova Gott hott di shtanna gmacht. Eah hott aw di eaht gmacht. No hott eah alles gmacht es uf di eaht is.
Eah hott samm shtawb gnumma fumm grund un hott da eahsht mensh gmacht, da Adam.
Du Mechsht aw Dess Gleicha
ESSENTIAL BIBLE TEACHINGS
Hott Gott en Nohma?
Gott hott feel diffahndi titles, so vi Awlmechtich, Hah, un Kaynich. Avvah, Gott sei personal nohma is gyoost ivvah sivva dausend moll in di Bivvel.
