PARTE 2
Diosca ¿pitaj can?
Shujlla Diosmi tiyan. Paipaj shutica Jehovami can (Salmo 83:18, NM). Shuj espíritu cashcamantami Paitaca mana ricui tucunchij. Ñucanchijta achcata cꞌuyashcamantami paitapish cꞌuyachun munan. Shinallataj, shujtaj gentecunatapish cꞌuyachunmi munan (Mateo 22:35-40). Tucuita rurashcamantami, paita yallica ni pi mana tiyan.
Puntapica achca poderta charij shuj angeltami rurarca. Chai angeltaca Jesucristo shutihuanmi rijsinchij. Diosca shujtaj angelcunatapishmi rurarca.
Jehová Diosca jahua pachapi tucui tiyashcata... Allpapi tucui tiyashcatapishmi rurarca Apocalipsis [Revelación] 4:11
Punta cꞌari Adantaca ñutu allpamantami rurarca (Génesis 2:7).