2 YACHACHIKUY
¿Pin cheqaq Dios kanman?
Jujllan cheqaq Diosqa. Paypa sutinmi Jehová (Salmos 83:18). Payqa juj espiritun, chayraykun mana rikuyta atisunmanchu. Payqa anchatapunin munakuwanchis, chaymi noqanchispas payta munakunanchis, munakunanchismi runamasinchistapas (Mateo 22:35-40). Payllan tukuy atiyniyoq Diosqa, tukuy imata kamaqpas.
Ñaupaqtaqa juj atiyniyoq angeltan kamarqan, paymi karqan Jesucristo. Diosqa kamallarqantaqmi juj angelkunatapas.
Jehová Diosmi kamarqan janaq pachapi llapa kaqkunata . . . kay pachapi llapa kaqkunatapas (Apocalipsis 4:11).
Jehová Diosmi kamarqan ch’askakunata, kay pachata, chaypi kaq tukuy imaymanakunatawan (Génesis 1:1).
Ñut’u jallp’amantan Adantapas kamarqan (Génesis 2:7).
Astawan yachanaykipaq
BIBLIAMANTA YACHACHIKUYKUNA
¿Sutiyoqchu Dios?
Diostaqa nikunmi “Tukuy atiyniyoq, Kamaq, Señor” nispa. Ichaqa manan chaykunachu sutinqa, Bibliapin 7.000 kutita hina rikhurin.
BIBLIAQ WILLASQAN
Diosmi paraisota qowarqanchis
¿Ima ninmi Biblia runakuna kamasqa kasqankumanta? ¿Ima kamachikuykunatan Dios qorqan Adanman Evamanwan?
