2 PARTI
Diosga ¿pi tan?
Shuc Diosllami tian. Jehova shuti man. Bibliaga ninmi: “Runaguna yachanauchun, camba shuti Jehova acta, canllami tucui allpamanda Astahuan Jatun Dios angui” nisha (Salmo 83:18). Paiga espiritu asha mana ricuibac chan. Ñucanchita ashcata llaquin. Pai munanmi paitas shuc runagunatas llaquinauchun nisha (Mateo 22:35-40). Pai tucuita rashcamanda mana pis paita mandanchu.
Pundaga ashca ushaita charic angeltami rara. Cunan ricsinchimi chi angelga Jesucristo acta. Diosga rarami shuc angelgunatahuas.
Jehova Diosga tucui jahua pachai tiacgunatas . . . cai pachai tiacgunatas rarami Apocalipsis o Revelacion 4:11
Jehova Diosga jahua pachatas Allpatas tucui chibi tiacgunatas rarami (Apocalipsis [Revelacion] 10:6).
Diosga allpa pulbumanda punda runa Adanda rarami (1 Corintios 15:47).
Caitahuas ricui
ENSEÑANZAS IMPORTANTES DE LA BIBLIA
Diosca shutiyuc chan
Diosta chican tunu uyaricta rimanaun, Señor, Tucui Ushaita Charic, sallata Tucuita Rac. Chimandahuas Diospa shuti 7.000 yali cutin Bibliaibi ricurin.
