BUE 2
Nyameɛpiri Yeɛ Ole Nwa?
Nyameɛpiri komapɛ yeɛ ɔwɔ berɛ ɔ. Ye dumaa yeɛ ole Yehowa. Bible ne kã kyɛ: “Na mmenia nwui kyɛ wɔbɔ wodumaa yeɛ ole Yehowa nen, wɔngome yeɛ ɛte piri wɔ anwuro ne aseɛ mukoraati so ɔ.” (Edwein 83:18, NWT) Ɔte honhom; yɛngɔhora ngonwui. Ɔdɔ yɛ, na ɔpena kyɛ yɛkoso yɛdɔ ye bie. Ɔpena kyɛ yɛdɔ afoforɛ koso. (Mateo 22:35-40) Ye yeɛ ɔte Pumbuniɛ bɔ ɔbɔle nningyein mukoraati ɔ.
Nyameɛpiri abɔdeɛ bɔ oli moa ne te honhom bɔ ole tumi, na yesi ne bɛɛfrɛle ye Yesu Kristo. Yehowa sa bɔle abɔfoɛ.
Yehowa yeɛ ɔbɔle nikyee biala wɔ anwuro . . . ne aseɛ so ɔ. Nyekyire 4:11
Yehowa yeɛ ɔbɔle nzramaa, aseɛ, ne bɔ ɔwɔ so biala ɔ.—Nyekyire 10:6.
Ɔfale aseɛ nwo nnɛterɛ bɔle sona bɔ oli moa ne, Adam.—1 Korintofoɛ 15:47.
Wɔnye Kɔgye Ɛhe Koso Nwo
ESSENTIAL BIBLE TEACHINGS
Aso Nyameɛpiri Le Dumaa?
Nyameɛpiri le nzamranoa pẽe, tekyɛ, Nikyee Mukoraati So Tumvoɛ, Ɔbɔadeɛ, ɔne Awurade. Nakoso bafa Nyameɛpiri bɔbɔdeinn dumaa bayɛ adwuma kɔbo mmerɛ 7,000 wɔ Bible nanu.
