MBAGE 2
Tâ Nzapa ayeke zo wa?
Tâ Nzapa ayeke gï oko, na iri ti lo ayeke Jéhovah (Psaume 83:18). Lo yeke yingo; e lingbi ti bâ lo pëpe. Lo ye e, na lo ye si e nga kue e ye lo. Lo ye nga si e ye amba ti e (Matthieu 22:35-40). Lo yeke kota ahon azo kue, lo la lo sara aye kue.
Kozo ye so Nzapa acréé ayeke mbeni ange so ayeke ngangu mingi; na pekoni azo ahinga lo na iri ti Jésus Christ. Jéhovah asara nga ambeni ange.
Jéhovah la asara aye kue so ayeke na yayu . . . nga na sese. Apocalypse 4:11
Jéhovah Nzapa asara atongoro, sese nga aye kue so ayeke na ndö ni.—Genèse 1:1.
Lo mû fuku ti sese si lo sara na Adam, kozo koli.—Genèse 2:7.
Bâ nga
AKOTA FANGO YE TI BIBLE
Nzapa ayeke na iri?
Nzapa ayeke na atitre mingi so na popo ni, Lo ti Ngangu Ahon Kue, Lo so aleke aye kue, nga na Seigneur. Me a sara kua na tâ iri ti Nzapa ahon fani 7 000 na yâ ti Bible.
