KAROLO YA 2
Modimo wa Nnete ke Mang?
Ho na le Modimo a le mong feela wa nnete, mme lebitso la hae ke Jehova. (Pesaleme ya 83:18) Ke Moya; kahoo re ke ke ra mo bona. O a re rata ebile o batla hore le rona re mo rate. O boetse o batla hore re rate batho ba bang. (Matheu 22:35-40) Ke yena Ya Phahameng ka ho Fetisisa, ke mmopi wa dintho tsohle.
Letsibolo la popo ya Modimo e ne e le Sebopuwa sa moya se matla seo hamorao se ileng sa tsejwa e le Jesu Kreste. Jehova o ile a boela a bopa le mangeloi.
Jehova o bopile ntho e nngwe le e nngwe e lehodimong . . .le e lefatsheng. Tšenolo 4:11
Jehova Modimo o bopile dinaledi hammoho le lefatshe le dintho tsohle tse ho lona.—Genese 1:1.
O ile a bopa motho wa pele e leng Adama, ka lerole la lefatshe.—Genese 2:7.
O ka Nna wa Rata le Tsena
ESSENTIAL BIBLE TEACHINGS
Na Modimo o na le Lebitso?
Modimo o na le ditlotla tse ngata, ho akarelletsa Ya Matla Ohle, Mmopi le Morena. Empa lebitso la Modimo le sebedisitswe ka makgetlo a 7 000 ka Bibeleng.
