ETENYI 2
Ele Nzambi ka mɛtɛ?
Ekɔ paka Nzambi ɔtɔi ka mɛtɛ ndo lokombo lande ko Jehowa. (Osambo 83:18) Nde ekɔ nyuma; sho hatokoke mbɛna. Nde tokaka ngandji ndo nde nangaka dia sho la wɔ mbôka ngandji. Nde nangaka nto dia sho mboka anto akina ngandji. (Mateo 22:35-40) Nde kele Kanga-Wolo-Tshɛ, Otungi wa diangɔ tshɛ.
Etongami ka ntondo kaki Nzambi aki nto onto la lo nyuma lele la wolo lakayelamɛka l’ɔkɔngɔ ɔnɛ Yeso Kristo. Jehowa akatonge nto andjelo.
Jehowa akatonge diangɔ tshɛ dia l’olongo . . . ndo dia la nkɛtɛ. Ɛnyɛlɔ 4:11
Jehowa Nzambi akatonge tɔɔtɔ oko wakandatonge nkɛtɛ ndo diangɔ tshɛ diele lɔkɔ.—Etatelo 1:1.
Nde akatonge Adama, pami ka ntondo, oma lo ditshu dia nkɛtɛ.—Etatelo 2:7.
Enda ndo lo...
ESSENTIAL BIBLE TEACHINGS
Onde Nzambi ekɔ la lokombo?
Nzambi ekɔ la nkombo efula ya lɔtɛtɛmɔla, mbidja ndo Kanga-Wolo-Tshɛ, Otungi ndo Nkumadiɔndjɔ. Koko lokombo la hita laki Nzambi tanemaka mbala oko 7000 lo Bible.
