CIIYO 2
Ino Leza Wakasimpe Nguni?
Kuli buyo Leza wakasimpe omwe alimwi zina lyakwe ngu Jehova. (Intembauzyo 83:18) Jehova Muuya; tatukonzyi kumubona. Ulatuyanda alimwi uyanda kuti andiswe katumuyanda. Alimwi uyanda kuti katubayanda bantu boonse. (Matayo 22:35-40) Jehova Ngusinguzuzyoonse, alimwi Mulengi wazintu zyoonse.
Leza wakasaanguna kulenga muntu wamuuya singuzu iwakazyikwiitwa kuti Jesu Kristo. Alimwi Jehova wakalenga bangelo.
Jehova wakalenga zintu zyoonse izili kujulu . . .aanyika. Ciyubunuzyo 4:11
Jehova Leza wakalenga nyenyeezi, inyika alimwi azintu zyoonse izili mumo.—Matalikilo 1:1.
Wakabumba muntu wakusaanguna Adamu, kuzwa kubulongo.—Matalikilo 2:7.
Andiza Inga Mwaakkomanina Ayaaya
NJIISYO ZYAMU BBAIBBELE ZIYANDIKA
Sena Leza Ulijisi Zina?
Leza ulijisi mazina aabulemu manji, kubikkilizya aakuti Singuzuzyoonse, Mulengi, alimwi a Mwami. Pele zina lya Leza limugeme lilajanika mu Bbaibbele ziindi ziinda ku 7,000.
