XIPHEMU 2
I Mani Xikwembu xa Ntiyisu?
Ku ni Xikwembu xin’we ntsena xa ntiyisu. Vitu la xona i Yehovha. (Tipisalema 83:18) I Moya naswona xitshama tilweni, hikolaho aswinge koteki kuva hixivona. Xahirhandza naswona xilava leswaku na hina hixirhandza. Nakambe xilava leswaku hirhandza vanhu hinkwavu. (Matewu 22:35-40) Xi ni Wulawuli Leli Tlakutkeke ka swilo hinkwaswu naswona hi xona Mutumbuluxi wa swilo hinkwaswu.
Munhu wosungula kutumbuluxiwa hi Xikwembu kuve ntsumi ya matimba swinene. Ntsumi leyi hi kufamba ka nkama yitiviwe hi vitu la Yesu Kreste. Nakambe Yehovha atumbuluxe ni tintsumi tin’wanyani.
Yehovha atumbuluxe swilo hinkwaswu leswinga matilweni . . . ni laha misaveni. Nhlavutelo 4:11
Yehovha atumbuluxe dlambu, n’weti, tinyeleti, misava ni swilo swin’wana hinkwaswu leswinga ka yona. — Genesa 1:1.
Atumbuluxe wanuna wosungula Adamu, hi wuthulu la misava. — Genesa 2:7.
Ni Mhaka Leyi Yi Ta Ku Tsakisa
ESSENTIAL BIBLE TEACHINGS
Xana Xikwembu Xi ni Vitu?
Xikwembu xi ni mavitaniwela yotala, yotani hi Xikwembu xa Matimba Hinkwawu, Mutumbuluxi ni Hosi. Kambe vitu la Xikwembu likumeka makhambi lamatlulaka 7,000 aBibeleni.
