2 ДУГААР КЕЗЕК
Алыс шын Бурган деп кымыл?
Чүгле чаңгыс алыс шын Бурган бар. Ооң ады — Иегова. Библияда бижээн: «Олар Сени дың чаңгыс, Дээрги-Чаяакчы [Иегова, ЧД] деп аттыг, бүгү чер-делегейни чагырган Дээди Өрүкү деп билип алзын» (Ыры 82:19). Ол дээрде чурттап турар, ынчангаш бистиң караавыска көзүлбес. Ол биске ынак, ынчангаш бис база аңаа ынак болурувусту Бурган күзеп турар. Оон ыңай бис өске кижилерге ынак болурунга Бурган күзеп турар (Матфейниң 22:35—40). Ол — Дээди Өрүкү, бүгү чүвениң чаяакчызы.
Бурганның бир дугаар чаяалгазы күчү-күштүг, каракка көзүлбес хуу-бот турган. Сөөлзүредир ол Иисус Христос кылдыр сурагжаан. Оон аңгыда Иегова дээрниң төлээлерин база чаяаган.
Иегова дээрде бар бүгү-ле чүвени чаяаган... чер кырында база (Ажыдыышкын 4:11).
Ол черниң довураандан бир дугаар кижини, Адамны, чаяаган (Эге дөс 2:7).