PARTE 2
¿Machʼa-a te Diose?
Junax te smelelil Diose, Jehová te sbiile (Salmo 83:18). Espíritu stukel, jaʼ yuʼun ma xjuʼ ta ilel. Kʼax kʼuxotik ta yoʼtan sok ya skʼan te kʼuxuk ta koʼtantik euke. Jaʼnix jich ya skʼan te kʼuxuk ta koʼtantik te yantik ants winiketike (Mateo 22:35-40). Maʼyuk machʼa kʼax toyolxan te bitʼil stukel te Diose, melel jaʼ la spastiklan spisil te bintik aye.
Te bin nail la spas te Diose jaʼ jtul chʼul abat te kʼax bayal yuʼele. Ta ora ini naʼbil sba jich bitʼil Jesucristo. Jaʼnix jich te Dios la spastiklan yantik chʼul abatetik.
Te Jehová la spas spisil te bintik ay ta chʼulchane... sok spisil te bintik ay ta Balumilale (Apocalipsis 4:11)
Te Jehová la spas te chʼulchane, te Balumilale sok spisil te bintik ay tey-ae (Génesis 1:1).
La spas te sbabial winik ta tsʼubil lum, jaʼ te Adane (Génesis 2:7).
Yaniwan amulan-euk sk'oponel ini
ESSENTIAL BIBLE TEACHINGS
¿Aybal sbiil te Diose?
Te Diose ya xjuʼ ya yichʼ albeyel Kajwaltik, Spisil ya xjuʼ yuʼun sok Jpaswanej. Jaʼukmeto ay jun sbiil te kʼaxem ta jukmil buelta ya xchiknaj ta Biblia.
TE BIBLIA SOK TE BIN YA XCHOLE
Te Jpaswanej ya yakʼbey jun nichimal kʼinal te ants winiketik
¿Bin utʼil ya yal te Biblia ta swenta te bitʼil pastaj te ants winike? ¿Bintik mantalil la yakʼ Dios ta stojol te sbabial ants winike?
