SHAAHO 2
Tumu Xoossay Oonee?
Tumu Xoossay issuwaa xalla; a sunttay Yihoowa. Geeshsha Maxaafay, “Ne xalaalai GODAA [“Yihoowa,” NW] gidiyoogaa, neeni Ubbaappe Xoqqiya Xoossai sa7aa ubbaa haariyoogaa eti erona” yaagees. (Mazamure 83:18) I Ayyaana; a beˈana danddayokko. I nuna siiqees; nuunikka a siiqanaadan koyees. Nuuni hara asaa siiqanaadankka koyees. (Maatiyoosa 22:35-40) I Ubbaa Danddayiyaagaa, ubbabaa Medhidaagaa.
Xoossay koyro medhidoy wolqqaama ayyaana mereta; i guyyeppe Yesuus Kiristtoosa geetettiis. Yihooway kiitanchatakka medhiis.
Yihooway saluwaaninne . . . saˈan deˈiya ubbabaa medhiis. Ajjuutaa 4:11
Xoossaa Yihooway xoolintteta, saˈaanne a bolli deˈiya ubbabaa medhiis.—Doomettaabaa 1:1.
I koyro asa gidida Addaama biittaa baanaappe medhiis.—Doomettaabaa 2:7.
Hageeta Beˈadii?
GEESHSHA MAXAAFAN DEˈIYA WAANNA TIMIRTTETA
Xoossawu Suntti De’ii?
Ubbaa Danddayiyaagaa, Medhidaagaa, qassi Godaa giyoogaa gujjin Xoossaayyo daro boncho sunttay de’ees. SHin Geeshsha Maxaafan Xoossaa buzo sunttay 7,000 gidiyaagee de’ees.
