ZƐŊ LƐƐI 2
Gbɛ̂ɛ Ɓa Dɔ̃yâ Ɣâlai?
Dɔ̃yâ Ɣâlai káa nɔ́ tɔnɔ. Náa ɓa Ziova. (Ŋule-wooi 83:18) Gaa a Mɔ̂leŋ; kúfa pɔri gáai a kúŋɛ́i-gao. E kúwɛ́li-ni, nyaŋ a ŋwɛ̂lii kwa-máŋ kú ŋwɛ́li. A ŋɔ́nɔ ŋwɛ̂lii à gɛ́ɛ kú kúkɔlɛ-ma ɓelai wɛ́li. (Maafîu 22:35-40) Nyaa ɓe gaa a Ŋwala-wala kélee Ɣâlai, da Sɛŋ Kélee Kpɛtɛ Ɣâla.
Ɣâla kpɛtɛ sɛŋ maa-ŋuŋ e kɛ́ a mɔ̂leŋ màa-pɔlɔ-pɔlɔ, wala-wala tɔnɔ nyii kwaa nâa gɔlɔŋ a Yîsɛ Kôrai. Nàa pôlu-mai, Ziova e ŋâla-taa kela-ŋai kpɛtɛ.
Ziova e zɛŋ kélee kpɛtɛ ŋelei sui . . . da nɔii ma. Mɛni-lɛɛi 4:11
Ziova Ɣâla e bɛ́mɛlɛŋ-kao ŋai kpɛ́tɛ, è nɔii kpɛ̀tɛ da zu-sɛŋ ŋai kélee.
Nàa pôlu ma, e pɔ̂rɔ siɣe ǹɔii ma é Adàŋ kpɛ̀tɛ la a ǹúui maa-ŋuŋ.