JAATSIL 2
¿Máax u jaajil Dios?
Chéen juntúul jaajil Dios yaan, u kʼaabaʼeʼ Jéeoba (Salmo 83:18). Letiʼeʼ tiʼ kajaʼan teʼ kaʼanoʼ yéetel maʼ tu páajtal k-ilik. Jach u yaabiltmoʼon yéetel u kʼáat ka k-yaabilt xan. Tsʼoʼoleʼ u kʼáat ka k-yaabilt k-éet máakil (Mateo 22:35-40). Mix máak uláakʼ yaan u poder jeʼex Dioseʼ tumen letiʼ beet tuláakal baʼal.
Dioseʼ antes u beetik u maasil baʼaloʼobeʼ tu beetaj juntúul ángel jach táaj yaan u poder. Le ángelaʼ kʼuch kʼaj óoltbil bey Jesucristoeʼ. Dios xaneʼ tu beetaj uláakʼ ángeloʼob.
Jéeoba beet tuláakal le baʼax yaan teʼ kaʼanoʼ... bey xan tuláakal le baʼax yaan way Luʼumaʼ (Apocalipsis 4:11)
Jéeoba beet le estrellaʼoboʼ, le Luʼumaʼ bey xan tuláakal le baʼaxoʼob yanoʼ (Génesis 1:1).
Adán, le yáax máakoʼ beetaʼab yéetel luʼum tumen Jéeoba (Génesis 2:7).
Maʼ xaaneʼ jeʼel u yutstal xan ta wicheʼ
BAʼALOʼOB UNAJ A KANIK
¿Yaan wa u kʼaabaʼ Dios?
Tiʼ Dioseʼ ku yaʼalaʼal Kiʼichkelem Yuum, Jajal Dios wa Yuumtsil. Pero le videoaʼ ku yeʼesik bix u kʼaabaʼ Dios; 7,000 u téenel ku chíikpajal teʼ Bibliaoʼ.
LE BIBLIAOʼ TIʼ BAʼAX KU TʼAAN
Le Máax beet tuláakal baʼaloʼ tu síiaj upʼéel paraíso tiʼ wíinikoʼob
¿Bix u yaʼalik le Biblia úuchik u beetaʼal wíinikoʼ? ¿Baʼax tu yaʼalaj Dios tiʼ letiʼob ka u beetoʼob?
