NDAA 2
Tuu nga Dios ni dxandíʼ
Ti Dios si ni dxandíʼ nuu, ne labe Jiobá (Salmo 83:18). Ti binni de espíritu laabe, nga runi qué randa ridúʼyanu laabe. Nabé nadxiibe laanu ne racaláʼdxibe gannaxhiinu laabe. Laaca racaláʼdxibe gannaxhiinu binni (Mateo 22:35-40). Jiobá si nga ni jma nandxóʼ, purtiʼ laabe bizaʼbe guiráʼ xixé ni nuu.
Primé ni bizáʼ Dios nga ti ángel ni napa stale poder. Ángel ca biree lá Jesucristu dxi beeda lu Guidxilayú riʼ. Jiobá laaca bizáʼ xcaadxi ángel.
Jiobá bizáʼ guiráʼ ni nuu guibáʼ... ne guiráʼ ni nuu lu Guidxilayú (Apocalipsis 4:11)
Jiobá bizáʼ guibáʼ, Guidxilayú ne guiráʼ ni nuu luni (Hechos 4:24).
Bizaʼbe primé hombre que de yú ne gulee labe laa Adán (Génesis 2:7).
Laaca zándaca ziuuláʼdxiluʼ ca ndiʼ
ESSENTIAL BIBLE TEACHINGS
Ñee napa Dios lá la?
Napa Dios stale título, casi ni jma napa poder, ni bizá’ ne Señor. Videu ri’ cusiene rieete’ lá Dios jma de 7,000 biaje ndaani’ Biblia.
CANI ZEEDA LU BIBLIA
Dios bizáʼ ti paraísu para guibani binni ndaaniʼ
Ximodo rusiene Biblia bizáʼ Dios binni. Xi biʼniʼ mandar Dios primé hombre ne primé gunaa.
