AKPASUA 3
?Laa Edɛni fie’n nun lɔ tranlɛ’n ti sɛ?
Zoova mannin Adam nin Ɛvu be ninnge kpanngban. Bo Bolɛ 1:28
Zoova yili bla klikli’n. Be flɛ i kɛ Ɛvu. Yɛ ɔ fɛ i mannin Adam kɛ i yi ɔ.
Kɛ Zoova yili be’n, fɔ kaan sa nunman be nun.
Be tranwlɛ’n yɛle Edɛni fie’n. Lika sɔ’n ti klanman kpa. Nzue ba kun nin waka nga be su mma’n, ɔ nin nnɛn’m be o nun.
Zoova nin Adam nin Ɛvu be ijɔ, ɔ kle be like. Sɛ be fa ndɛ ng’ɔ kan kle be’n su’n, bé trán lika klanman sɔ’n nun tititi.
Ɲanmiɛn seli be kɛ nán be di waka kun i su mma’n. Bo Bolɛ 2:16, 17
Zoova fali fie’n nun lɔ waka kun m’ɔ su mma’n kleli Adam nin Ɛvu. Yɛ, ɔ seli be kɛ nán be di i mma’n, naan sɛ be di’n, bé wú.
Anzi nga Ɲanmiɛn yili be’n, be nun kun jasoli Ɲanmiɛn i wun. Be flɛ anzi klunwifuɛ sɔ’n kɛ mmusu’m be si Satan.
Satan kloman kɛ Adam nin Ɛvu be fa Zoova i ndɛ’n su. Ɔ maan, ɔ sinnin wuo kun lika seli Ɛvu kɛ sɛ ɔ di waka mma sɔ’n, ɔ su wuman naan ɔ́ káci kɛ Ɲanmiɛn sa. Sanngɛ, ato ɔ.
Ninnge wie mɔ be kwla yo ɔ fɛ ekun'n
NINNGE CINNJIN NGA BIBLU’N KLE BE’N
?Ngue ti yɛ Ɲanmiɛn yili asiɛ’n niɔn?
Ninnge nglanmannglanman’m b’a yi asiɛ’n i piɛ. Ɲanmiɛn sieli i kan ɔ nin i fata’n sɛsɛsɛ. ?Ngue ti yɛ Ɲanmiɛn niannin nun yoli i sɔ liɛ’n niɔn?
