DÚ 3
Xwɛ̌ Cĩ́-Cĩ́ Nyu Ma Nìɛ̀ Ðé Páɖédǎ Kɛ́?
Jɛ̀hóvà nyí ma Áɖɔ̀ùn kè Íì ɖɛ nɔ̀mɔ̀ dyíin vò-vò. Jɛ́nɛ́sì 1:28
Jɛ̀hóvà mɛ ma màa kĩ́ín-kĩ́ín mɔ̀ ma Íì kɛ, ké ɔ dyàà ma Áɖɔ̀ùn gbo, ɓɛ́ ɔ ké ma ɔ gmàà jǔ.—Jɛ́nɛ́sì 2:21, 22.
Jɛ̀hóvà mɛ ma wa hwòɖǒ-dyúà kè wa kpódó-dyúà dyí sɛ́ɖɛ́ìn kà, ké kɛɛ ɖò se ma wa mú nì fɔɔ.
Wa ɓíɖí páɖéɖǎ mɔ̀ ma ɓáá-ɖɛ̀-gbà mɔ̀ ma kà Íɖɛ̃̀ìn kɛɛ mú. Ðé nɔ̀mɔ̀ ma dyíin mìɔ, ké ní vɛ̀nɛ̀ ɖò zĩ̀ìn ma ɖé, kè ɓáá-ɖɛ̀ cù ɓě kè nimii ɓě nì ma ɖé.
Jɛ̀hóvà wùɖù ma wa gbo, ké ɔ tɛ̀mɛ̀ìn ma wa ɖɛ. Ɔ jǔ ké wa dyi ma ɔ ɖùǔ gbo tò ní, nìí, wa mu ma sè-ná-sèɛ̀ fɛ̀ɛ̀ ɓéɖéìn ɖé pàɖèdǎ mú ɖà ɓóɖó-kpàà kɔ̃.
Géɖépɔ́ɔ̀ ɖá wa mɛ ɓɔ́ ma cu ɓěɔ̀ dyúáɖò ɓo ɖiɛ. Jɛ́nɛ́sì 2:16, 17
Ínjà ɓěɔ̀ dyúáɖò zɛ̃̀ìn ma Géɖépɔ́ɔ̀ gbo-vɔ̃-nyɔ̀ mú. Ínjà gbà nìà kɛɛ mɔ̀ Sétɔ̃̀ mɔ̀à Nɔɔ́-nàmàǔn kɛ.
Jɛ̀hóvà tɛ̀mɛ̀ìn ma Áɖɔ̀ùn kè Íì ɓáá-ɖɛ̀ cù dyúáɖò dyí ɖé ɓáá-ɖɛ̀ gbǎà mú, ké ɔ cɛ̃ɛ ma wa gbò kà ɓɛ́ wa dyi ma cuɔ̀ ɓo ɖi ní, nìí, wa mu ma mɛ́ìn nyɛ.
Nɔɔ́-nàmàǔn se ma mɔ́ ɓɛ́ Áɖɔ̀ùn kè Íì ké ma Jɛ̀hóvà wuɖu nyu. Ɔ kɔ̃̀ jè ɔ nyùìn ma sɛ ɖò kũ̀à mú ké ɔ cɛ̃ɛ ma Íì gbo kà ɓɛ́ ɔ dyi ma cu-ɓòɔ̀ ɖi ní, nìí, ɔ se ma mɛ́ɛ mu, kɛɛ ɔ mu ma nììn kà Gèɖèpɔ́ɔ̀ nìà kɛ. Kɛɛ ɔ mɔ̀ ma se.—Jɛ́nɛ́sì 3:1-5.
Nì Mu Ɖɛ Nìà Kɛ Mú Ɖɛ̀ɓɛ̀ìn Dyɛ̀
ESSENTIAL BIBLE TEACHINGS
Ðɛ́ Kɔ̃̀ Jè Gèɖèpɔ́ɔ̀ Mɛà Ɓóɖò-Kpàà Kɛ́?
Ðɛ ɓě zi kɔ̃in nɔ̀mɔ̀ǔn dyíin ɓóɖò-kpàà dà séín dyi. Ɓóɖò-kpàà kè dyóɖóɔ̀ gboi tɔ̀mɔ̀ìn-tɔ̀mɔ̀ìn cɛ̃̀ìn boùn nyɛ̀nɛ̀ɛ̀, ké ɔ dyi pèè-pèè nì kà ɔ kɔ̃̀ ɔ ké nìɛ ɔ kè ɔ mú zĩìn-zĩìn se fṹà ké ɔ se mɛ̀ɛ̀. Ðɛ́ kɔ̃̀ jè Gèɖèpɔ́ɔ̀ poà ɖé kpé jì-kàa ɖé ɓóɖò-kpà nɔ̀mɔ̀ dyíin nìà kɛ mɛ-mɛ múɛ́?
