ṬHEN 3
Eden Dum ah Zeitindah an Rak Nun?
Jehovah nih Adam le Evi kha thil ṭha tampi a pek hna. Genesis 1:28
Jehovah nih hmasa bik nu, Evi kha a ser i Adam he a umter hna.—Genesis 2:21, 22.
Jehovah nih lungthin lei le pumsa lei a tlingmi in a ser hna.
Annih cu aa dawh ngaimi Eden dum ah an rak um. Dum chungah tiva, thingkung le saram phunphun a um.
Jehovah nih Adam le Evi kha a chawnh hna i a cawnpiak hna. A bia an ngaih ahcun vawleicung ah zungzal in an nung lai.
Pathian nih thingkung pakhat a thei kha nan ei lai lo tiah a ti hna. Genesis 2:16, 17
Vancungmi pakhat nih Pathian kha a doh. Mah vancungmi cu Satan Khuachia kha a si.
Jehovah nih Adam le Evi kha dum i a ummi thingkung pakhat a hmuhsak hna i a thei nan ei lai lo, nan ei ahcun nan thi lai tiah a ti hna.
Satan nih Adam le Evi kha Jehovah nawl ngai hna hlah seh ti a duh. Cucaah rul hmangin Evi kha a chawnh i mah thei kha na ei ahcun na thi lai lo, Pathian bantuk na si lai tiah a ti. Mah cu lihbia a si.—Genesis 3:1-5.
Mah Kong Hna Zong Hi Na Duh Khawh Men
ESSENTIAL BIBLE TEACHINGS
Pathian nih Vawlei hi Zeicah A Ser?
Kan vawlei cu aa dawh tukmi thil hna in a khat. Pathian nih vawlei kha nika in a naih, a hlat aa tlaknak hmun ah a chiah, cun aa tlak ningin aa mer khawh nakhnga a ser. Pathian nih vawlei hi zeicah mah tluk dawh in a ser?
