ƆFÃ 3
Nna Paradise Asetsena Tse Dɛn?
Jehovah maa Adam nye Eve ndzɛmba pa pii. Genesis 1:28
Eve nye basia a Jehovah dzii kan bɔɔ no. Ɔdze no maa Adam dɛ ne yer.—Genesis 2:21, 22.
Aber a Jehovah bɔɔ hɔn no, ɔmaa hɔn adwen nye nyimpadua a odzi mu. Nna mfomdo biara nnyi hɔn ho.
Wɔtsenaa Paradise fɛɛfɛw bi a wɔfrɛ no Eden ture mu. Nna esutsen, nduadzewa nye mbowa ahorow etwa hɔn ho ehyia.
Jehovah kasaa kyerɛɛ hɔn, na ɔkyerɛkyerɛɛ hɔn. Sɛ wotsiee no a, nkyɛ wɔbɛtsena ase daa wɔ Paradise wɔ asaase yi do.
Nyankopɔn kãa dɛ mma wonndzi ndua no mu kor n’aba. Genesis 2:16, 17
Abɔfo no mu kor tseew etũa tsiaa Nyankopɔn. Dɛm ɔbɔfo bɔn yi na ɔbɛyɛɛ Satan Abɔnsam no.
Jehovah kyerɛɛ Adam nye Eve dua kor bi wɔ ture no mu hɔ. Ɔkãa kyerɛɛ hɔn dɛ mma wonndzi n’aba, osiandɛ sɛ wodzi a wobowuwu.
Nna Satan mmpɛ dɛ Adam nye Eve bɛyɛ setsie ama Jehovah. Ntsi ɔnam abowatsena do kãa kyerɛɛ Eve dɛ sɛ odzi a onnkowu, na mbom ɔbɛyɛ dɛ Nyankopɔn. Naaso nna ɔyɛ ator.—Genesis 3:1-5.
Bi A W'enyi Bɛgye Iyi So Ho
ESSENTIAL BIBLE TEACHINGS
Ebɛnadze Ntsi Na Nyankopɔn Bɔɔ Asaase?
Sɛ yɛhwɛ hɛn wiadze yi mu a, yehu dɛ ndzɛmba a ɔyɛ fɛw ahyɛ mu mã. Kwan a ɔda asaase nye ewia ntamu no fata papaapa. Mbrɛ asaase no si twa no ho, nye mber dodow a odzi ana oeetum etwa no ho no so, ɔsɛ papaapa. Ebɛnadze ntsi na Nyankopɔn siee abotar bɔɔ hɛn asaase yi fɛfɛɛfɛw dɛm?
