MWAKORO 3
Tera Aron te Maiu Ngkoa n te Bwaretaiti?
Ao Iehova e angania Atam ma Ewa bwaai ni kabane aika raraoi. Karikani Bwaai 1:28
E karikaki te moan aine ae Ewa iroun Iehova, ao e kairia nakon Atam bwa buuna.
E karikiia bwa a na kororaoi n aia iango ao rabwataia, n akea kabwakaia.
Bon te tabo ae moanibaan te tamaroa mwengaia ae te Bwaretaiti are te onnaroka ae Eten bwa iai karaangana, kaina aika kakanaki uaaia ao maan aika bati.
E taetae Iehova nakoia ao e reireinia. Ngke arona bwa a ongeaba irouna ao a na maiu n aki toki n te Bwaretaiti i aon te aba.
E tuangia te Atua bwa iai te kai teuana ae a na aki kana uaana mai buakoni kain te nne n aroka. Karikani Bwaai 2:16, 17
E kaota te kai teuana n te onnaroka Iehova nakoia Atam ma Ewa, ao e tuangia bwa ngkana a kana uaana ao a na boni mate.
E a karitei nakon te Atua temanna mai buakoia anera. Te anera ae buakaka anne bon Tatan te Riaboro.
E aki tangiria Tatan bwa a na ongeaba iroun Iehova, Atam ma Ewa. Ai ngaia are e a kabongana te naeta n taetae iai nakon Ewa ao n tuangnga bwa e na bon aki mate ngkana e kana uaan te kai anne, ma e na riki bwa kaanga te Atua. Ni koauana, bon akea koauan anne.
Ko Bae Naba n Tangira
REIREI AIKA RANGI NI KAKAWAKI N TE BAIBARA
Bukin Tera Bwa E Karika te Aonnaba te Atua?
E onrake ara aonnaba ni baika tamaroa. E mena n te tabo ae bon tau raoi raroana man taai, e tei n rara n aron ae bon riai, ao e minomino ni butina ae bon riai raoi. Bukin tera bwa e kabanea ana tai ni karaoa te aonnaba?
