TEEL 3
Wii waar tas leepe im Eetem Kaate?
Yeehoowa hot tëm Aatam un te Eva fiil kuute tings këp. Gênesis 1:28
Yeehoowa hot ti ëyerst fraa, Eva, kemacht un hot se tëm Aatam hiin kenom fer sayn fraa se siin. — Gênesis 2:21, 22.
Yeehoowa hot se kemacht mit richtiche ketanke un kesunte kërwer, oone feeler.
Tii hon im Eetem Kaate keleept. Tas plats waar aarich xeen un tat waare een flus, oopst peem un fii. Tas waar tas Paratiis.
Yeehoowa hot mit tëne kexproch un hot se in kelërnt. Tii teete fer imer im Paratiis uf te Ëyert leepe, wën tii Kot aan heere teete.
Ploos fon een paam thërfte se nët ëse. Gênesis 2:16, 17
Yeehoowa hot tëm Aatam un te Eva een paam im kaate kewis. Ëyer hot kesaat: ‘Wën tëyer tefun ëst, tuut tëyer xtërpe’.
Een ëngel hot sich keeche Kot kextëlt. Te xlëchte ëngel waar Satanaas, te Taywel.
Te Taywel wolt nët hon tas te Aatam un ti Eva Yeehoowa aan heere teete. Tës wëche, hot ëyer een xlang penutst fer ti Eva se hinerkeen. Te Taywel hot kesaat tas tii ruuich fon tëm paam ëse khënte, tii teete nët xtërpe, un teete kraat soo wëre wii Kot. Tas waar awer keloo. — Gênesis 3:1-5.
Fiilaycht tuust tuu aach kërn hon
WICHTICHE PIIPLIXE INLËRNUNGE
Fer was hot Kot ti Ëyert kemacht?
Unser wëlt is fol mit xeene tinge. Tii is nët soo ticht un nët soo wayt fon te sun, tii is uf kextëlt im richtich winkel, un tii treet sich nët soo xnël un nët soo lamsam. Warom hot Kot sich soo aan kextrëngt fer ti ëyert mache?
