PEJACH 3
¿Jantʼiniʼ játsak an ejataláb ti Edén?
A Jehová in pidhaʼ yán jantʼoj alwaʼ a Adán ani a Eva (Génesis 1:28)
A Jehová in tsʼejkaʼ a Eva ani in pidhaʼ a Adán abal tin kʼimádhil (Génesis 2:21, 22).
A Adán ani a Eva yabákchik wálbidh, ni tin tsalápil ni tin iniktal.
U kʼwajílakchik ti Edén, tanáʼ waʼatsak jún i púlik itseʼ, i teʼlom, i waliláb ani i koʼnélchik. Pélak jún i tsabál lej alabél.
A Jehová u tʼilomak kʼal jajáʼchik ani in exóbchalak yán jantʼoj. Max in léʼak ka kʼwajiy abal etsʼey ti alabél tsabál, kwaʼalakchik kin otsʼówiy a Dios ani kin belkaʼ.
Génesis 2:16, 17)
A Dios in uchaʼ yab kin kʼapuwchik in walíl an teʼ axi kʼwajatak tsʼejel ti Edén (Jún i ángel jekʼombej kʼal a Dios. Nixéʼ xi pojkax ángel pél a Satanás an Diablo.
A Jehová in uchaʼ a Adán ani a Eva abal yab kin kʼapuw jún i waliláb axi kʼwajatak ti Edén. Max kin kʼapuwak, neʼetsak ka tsemets.
A Satanás yab in léʼak abal a Adán ani a Eva kin belkaʼ a Jehová. Jaxtám in eyendhaʼ jún i tsan abal kin kʼambiy a Eva, in uchaʼ abal max kin kʼapuw nixéʼ xi waliláb yabak neʼets ka tsemets, neʼetsak kin tʼajaʼ jantʼiniʼ a Dios, pero ¡Pélak in jánamtal! (Génesis 3:1-5.)