AYA 3
Ɛgɛnyá Nɛ Oyeeyi Lɛ ipu Uparadais A?
Ujehofa je ɔdā olɔhi alɛwa lɛ Adam mla Iifu. Ohútu 1:28
Ujehofa lɛ Iifu ɔcɛnya aflɛyi a ya, anɔɔ ó kwu ɔ u lɛ Adam kóō wɛ ɔnyā nu á.—Ohútu 2:21, 22.
Ujehofa ya uwa mla ɔkpiye mɛmla ɛlá o gbo nōó lɛ ɛnyá ŋ, é kē lɛ oyabiya duuma ŋ.
Uparadais ɛga néē lā a wɛ iga ku Idɛn—ɛga nōo lɔhi nɛhi, ɔkpa, aɔcí nōo gē gwa īkpō mɛmla aɛbɛ ɛyɛɛyɛyi yɔ abɔɔ duu.
Ujehofa gē kɛla mla uwa, ó kē i nwu uwa ɛlā. Ɔdaŋ ku é jahɔ ta ɔ, é gē yɛ i lā oyeeyi opiyoo Uparadais ipu ɛcɛ nyā.
Ohútu 2:16, 17
Ɔwɔico da uwa kéē lé īkpō ku ɔcí éyi ŋ.Ipu iga ku Idɛn, Ujehofa lɛ ɔcí éyi nōo gē gwa īkpō a mafu lɛ Adam mla Iifu, ó da uwa ka ɔdaŋ kéē lɛ īkpō ku ɔcí ɔɔma lé, é géē kwū.
Éyi ku aalelekwu otɛhɔ a yikpɛyi olɔfu ta Ɔwɔico. Alelekwu otɛhɔ ku ɔbiipu ɔɔma wɛ Ebili á.
Usetan i dɔka ku Adam mla Iifu kéē jahɔ lɛ Ujehofa ŋ. Ohigbu ɔɔma, ó bi ɛgwa le da Iifu ka ɔdaŋ kóō lɛ īkpō ku ɔcí ɔɔma lé, ka ɔ gáā kwū ŋ, amáŋ ka ó géē lɛbɛɛka Ɔwɔico a. Ɛkɛmgbɛ nōó ka ba Ɔwɔico á.—Ohútu 3:1-5.