DIIBIJ 3
Baat baakady bashikat bicy mu Paradiz?
Yehowah wuheel Adam ni Eve biit bivul bilengel byeeh. Kutang kwa Bwanjil 1:28
Yehowah uloongel Eve. Yiy ki mwaan-mukaj a kuuhal ha bulab. Mawej wiiyil nend kudy Adam bwa ney ikal mukaj indiy.—Kutang kwa Bwanjil 2:21, 22.
Yehowah wibahangil bikal ni lungeny ni nyeet biwaakan, bikiish kalem.
Adam ni Eve baakady bashikacil mu budimy bwa Eden; cyaakady cyaab cilengel. Mwaakady musuul a mwanz, mitond ya mamum ni nyam ivul.
Yehowah waakady wisaamb naab, wibaloongwesh. Bu bab bamukun mat, baakady’a kushaal loosolol mu Paradiz ha bulab.
Mawej uleebel ney kabishoh mwa kudy mamum ma mutond mukwaabw. Kutang kwa Bwanjil 2:16, 17
Yehowah uleejel Adam ni Eve mutond mukwaabw mu budimy bwa Eden, wibambil ney nun bady mamum ma mutondoow, nufwafw.
Mwanjel aakaabumw utombokel Mawej. Mwanjel mubiihoow i Sataan Diabol.
Sataan kaakady mukat ney Adam ni Eve batumikil Yehowah. Naak, ki kuleebeley mu nyok wambil Eve ney uw mudy mamum ma mutond’oow, kwishoh bend ufw, kady wiiyiiy bu Mawej. Cya biin, maakady makos.—Kutang kwa Bwanjil 3:1-5.
