LUFUNJISHO 3
Bwikalo Bwajinga Byepi mu Paladisa?
Yehoba wapeele Adama ne Evwa bintu byavula byawama bingi. Ntendekelo 1:28
Yehoba walengele mwanamukazhi mutanshi, Evwa ne kumupana kwi Adama kuba’mba ekale mukazhanji.—Ntendekelo 2:21, 22.
Yehoba wibalengele na milanguluko ne mibiji yalumbuluka yabujile bubi.
Muzhi wabo wa Paladisa wajinga bujimi bwa Edena, mpunzha yawama mwajinga mikola, bichi bipanga bipangwa ne banyama.
Yehoba wisambanga nabo; wibafunjishanga. Umvwe bamumvwijile, bakonsheshe kwikala myaka mu Paladisa pano pa ntanda.
Lesa wibakainye kuja ku kichi kimo. Ntendekelo 2:16, 17
Yehoba wamwesheshe Adama ne Evwa kichi kimo kyajinga mu bujimi, ne kwibabula’mba umvwe bajako bakafwa.
Malaika umo wasatukijile Lesa. Uno malaika watama ke Satana Diabola.
Satana kechi wakebelenga Adama ne Evwa kukokela Yehoba ne. Onkao mambo, Satana waingijishe muloolo kubuula Evwa kuba’mba umvwe wajako ku kipangwa kya kyokya kichi kechi ukafwa ne, bino amba ukekala pamo nobe Lesa. Buno bwajinga bubela bwine bufiita.—Ntendekelo 3:1-5.
Mwakonsha Kutemwa
ESSENTIAL BIBLE TEACHINGS
Mambo ka Lesa o Alengejile Ntanda?
Pano pa ntanda paji bilengwa byavula byawama bingi. Ntanda iji patalulumuka bulongo kufuma ku juba, yasendama bulongo kabiji izhokoloka pa masekenyi afwainwa. Mambo ka Lesa o alengejile ntanda yawama bibye?
